TANONG

"TANONG"

Napamulaga't aking napagtanto
Mga bagay na kaylanma'y 'di mabubuno
Anumang katha't pagsasawalang-kibo
Paris ng dahong ligaw sa sapang-bato
Damdaming sawi sa pagkakalatay-tao
Hirap at pighati sa niluklukang mundo
Diwa kong gising at magulo
Hanap ay 'di malaman kung ano
Paligid ko ma'y nadungisan ng todo
Mga hinanakit na 'di maisatono
Pukulan man nila, ng galit ay ako
Tanggap kong ako'y isa rin palang tao
Sa mga dahong nalaglag mula sa puno
Paggalang, ako'y nagsusumamo
Yuyukod sa harapan mo
Mga butil mula sa mga mata ko
Saloobin na tuluyang napuno
Pasakit, nagsusumamo o, Diyos ko
Hanggang kaylan, nais ko nang sumuko
Ano ba talaga ito?

-Zi-